COLEGIO  SUPERIOR PARA  LA EDUCACIÓN 
INTEGRAL INTERCULTURAL DE OAXACA.

Bachillerato integral comunitario No.02.
   Clave: 20EBD0002. 
Santa María Alotepec,Mixe, Oaxaca.
=LA CULTURA DE SAN ISIDRO HUAYAPAM, MIXE, OAXACA ESCRITA EN LA LENGUA MIXE MEDIA.=

UNIDAD DE CONTENIDO: Lengua Indígena IV.

Variante lingüista de:  San Isidro Hauyapam.

REVISIÓN Y CORRECCIÓN: Tec.Ling. Abel Vargas Gabino.

Nombre del ESCRITOR: Jaime Urbina José.

Santa maría Alotepec,  mixe, Oaxaca Bachillerato integral comunitario No.02.

EL OFICIO PRIMORDIAL QUE REALIZAN LOS HABITANTES DE LA COMUNIDAD DE SAN ISDRO HAUYAPAM, MIXE, OAX.

EL CULTIVO DEL MAIZ EN SAN ISIDRO HUAYAPAM.

SO JA TU’UN JA POX AAM KAJPN JA’AY JA MOK NI’IPYËJ

Ma ja pox aam kajpn, ja poxamëtëj ja’ay ja kamtu’untëp yëjëty,  tyatë  ja’ayëty ja nyëptëp ja mok, ja xëëjk, ja  tsi’i  ats ni tu’un kojtëj ja tsa’am,  kutymy ats kafe.

Ma tyatë poop naky yam tu’un ja ëjts naja’any soo ja tu’un ja poxaamëtëj  ja’ayja   ja mok Ni’ipyëj.

Ja ja’ay këm ja tixëty  nu’un  ja mok nipa’any, iikyëj ja nypëty tu’uk, majtsk, tëkëëk, taxk, mëkoxk armun ok pën  këtii  iikyëj i’px armun.

ko  ja poxaamëtëj ja’ay ja mok nipany, wi’in ja mok pajk tëmtj ja ja’ay  tixta’ayëj,  kootsëj ja ja’ay  ja  mok pajk tëmtj tpa’atyëj,  ta ënit ja ja’ay  ja nax tixta’ayëj   ma ënäty ja mok nipany.

kootsëj ja nax tpa’atyëj ta ënit ja ja’ay nëj  yu’uyëj ma ja nax jëtipëj  ënaty  tëët  pa’atyëj. Ja ja’ay  pëty  ja yu’uyëj ja ko ma ja nax  tam ja may yätyëj ja ujts, kyepy.  Ja ja’ay  ja tu’un ja ujts , kyëp  yu’ujëkp.

Kootsëj  ja  ja’ay  ënit  ja ujts, kyepy  tyujëkta’ay  ta  ënit ja ujts, kyëpy  tyë’ty.  ja ujts, kyëpy  ja tu’uk  tyë’ty  tu’uk sëma’an  pen mëk  ‘yany, ats koo ja  yu’unk  ‘yany  ja  ja   tu’un  tyë’ty  majts sëma’an.

Ko ja ujts, kyëpy  tyëtsta’ay   ta ënit ja ja’ay ja no’oky. Ja ja’ay  ja  tu’un  nyo’kp ja ujts, kyëpj të’ëtsëpëj.

Kootsëj ja ja’ay ujts, kyepj no’okta’ay ta  ënit  ja ja’ay tak wa’aty  ja  kam nax ma ënaty  ja mok yak nipa’anyëj.

 Kootsë  ja  ja’ay  ja nax tak watsta’ay  ta ënit  ja ja’ay  ja mok pajk  ni’ipy, ja ja’ay  ja jä  tu’un  nyipy të ënty  ëxë’ëypyëj tyu’uyëj, ok pen ketii jëpom  ënaty tyu’jany.

Ja mok ja jä tu’un myux më mëkoxk, ats tyëëmëj më taxk po’o.

Kootsë ja mok tyëëmëj ta ënit  Ja ja’ ay ja mok  tsiky.  Xa’këj jokëj ja mok yak atsikëj, ja mok  tsiky ja  tu’un ja  jëyujk  myëatyëpëj ma ja ja’ay  tëjkën ok pem këtii këm ja ja’ay  ja mok tpaatsëmy ok pen këtii ja  jä pujxn  piatsë’ëmpy ats tak  jëaty  ma ja tëjkënj.  Ja  ja’ay  këm ja mok tkay ok pën këtii ni tu’un ja mok  to’okyëj pen ja  may mok pajk.

LAS ADIVINANZAS EN LENGUA MIXE, DE LA VARIANTE LINGÜISTA DE SAN ISIDRO HUAYAPAM, MIXE, OAXACA.

LAS ADIVINANZAS  “JA ATËWËN” Ëjts ëëbëts ats kyajëts nja’ayëty, Jak tsu’utsëjpëts ats kyaj ëjts ntsa’akajëty, Tamëts njëmkëj ats kyajëts njo’onëty, Ays nitu’un pujtëjkpëts. ¿Pënëts tää ëjts? TSËK. Yo’ony jëtu’un ëjts, Tëna’aybëts tan tu’uk ja’ayën, Tsu’uxk jëtu’un ëjts ja na’ay, Ats pik ja tu’un ejts ntëky. ¿Pënëts tää ëjts? Ujts kyëp. Pik ja  jëtu’un ëjts, Tam ja  ëts kom nëë nmëtëty, Ats tam  may näx nmëtëty, tam may nax  ëjts nmëtëty, Ats ma ja ëjts nijkëxkopkëj tam Ja ja’ay may i’itëj. ¿Pënëts tää ëjts? NAXWINMËTËJ.  Tsëma’abëts ja ëjts  nijkëxkopkëj, Nëëjotyëts ja tu’un ëjts ni’ityëj, Tam ëts npi’ixëj ats kyaj ëts njo’onëty, Jak tsu’utsëjpëts ats kyajëts ntsëkëty. ¿Pënëts tää ëjts? AJKX.

LA HISTORI DE SAN ISIDRO HUAYAPAM, MIXE, OAXACA ESCRITA EN LA LENGUA AYUUK (MIXE MEDIA)

=/= LA HISTORIA DE SAN ISIDRO HUAYAPAN SOBRE LA FUNDACIÓN Y PROBLEMAS QUE TUVO AL FUNDARSE. =/=

“SO JA TU’UN JA POX AAMËTËJ KAJPN OJTS TYO’ONTÄKY  TYU’UTËJKYËJ ATS JËTI’IPËJ  JA JOT MAY TET MËTA’ATYËJ KO OJ TYO’ONTÄKY  TYU’UTËJKYËJ TYA’ATËJ KAJPN”

Ëjts  ja tu’un  nxëëwatyëj Jaime Urbina José, ejts jamëts  nkukajpnëtyëj jam poox aam. Ëjts jamëts tu’un  nixpëkyëj jam ma navo’okmetëj  kajpn ma ja ixpëjkta'akën jëtipëj xëëajtëp Bachillerato Integral Comunitaria No.02.

Ma tyatëj  poop naky jam tu’un ëjts naja’any  so ja tu’un  ojts tyo’ontäky  tyu’utëjkyëj ja pox aamëtej  kajpn.

Ko ojtsëj oj tyim tso’ontäkyëj  tyim tyu’utëjkyëj  tyatë  kajpn, jaën   ni majkmajtsk  enätyëj ja ja’ayëtyëj tuk itëdëj tyatëj kajpn.

Ja pox aamëtëj kajpn jaën oj tso’ontäkyëj  tyu’utëjkyëj  en el año de 1942(tu’uk, tax tujk, taxk,majtsk). Ja  ja’ayëty jëtipëj oj ja pox aamëtëj kajpn  oj tak  tso’ontäktëj tak tu’utëjkityëj jam oj tyo’otëj  jam ma ja kajpn xëeaty jokyaba’akëm, jam yë ityëj kyu’ukajpnatëj, tyatëj ja’ayëty yë tu’un wi’in oj ijtso’otaktëj ma ja it nax wi’inm jëtipëj tyam xëëaty poox aamëtëj kajpn.

Ja poox aamëtëj kajpn ënit  oj  tyo’ontäky  tyu’utëjkyëj ko ojtsëj;

Jam ma jokyaba’akëjmëtëj  kajpn tam ënatyëj ni may ja’ay itëj, tyatëj jokyaba’akëjmëtëj ja’ayëtyëj yë tu’un yëjëty ityëj ja tsa’aka tyu’unkajtëp, ja tu’un yëjëty ja tsa’aka ixi’ijtëp ma ja nyaxëty kyamtëjkëty. Ja ja’ayëtyëj jËtipëj tsajp kaa  ixi’ijtëp jam ja tu’un ityëj tixi’itËj ma ja tyam ja pox aamëtëj nax kajpn, Ja ja’ayëtyëj jËtipëj ënaty tsajp kaa   ixi’ijtëp ojts tëjk kojtëj jam ma ënaty ja tsajp kaa  tixi’itën, ja ja’ayëty pëty oj tëjk  kojtëj ja ko ma ënatyëj ja tsa’aka tixi’itËn jëkyäm ja tyany më’ëtëj ja  jokyaba’akëm kajpn ma ënaty kyukajpnatëj, ko ja ja’ay tyo’oytyëj jam jokyaba’akëm ats kyëta’akëjtëj ma ënayëj ja tsajp kaa   tixi’itëj  jëkyi’itëj  ja yo’otyëj pëtyëj ojts ja ënit ja oj tëjk kojtëj ma ënaty ja tsajp kaa  tixi’itëj. Tyatëj ja’ayëty xëëmë tu’un yam ityëj tyim tuun tsëna’aytyëj jam kamotyë ma ënatyëj tsajp kaa  tixi’itëj, tyatëj ja’ayëty më’ëtëj ja kyuutëjkëty ats iunkëtyëj yëna’këtyëj tyuun tsëna’aytyëj.

Tyatë ja´ayëty jëtu’unyëj oj nyima’ayëntyën ja  ko  tam ojts ja’ay oj winkpëj oj yan këtä’äktëj  jëtipëj nyi’iptëp mok, xëëjk, niy, ko’on, tsi’i. Ats tam jëti’ipëj tsa’am kafe kyojtëp, ats ni tu’un oj ja tëjk oj tëkojtëj. Ma ja nax kamtënkëj  ma ja ityëj ja tsa’aka ja’ay tixi’ityn jëtu’unyëj oj iyako’onëj nan tu’uk kajpnën ja ko ja ja’ay jëtu’unyëj oy miayënej.

Ko oj tyatëj ja’ay oj miayënëj ta ënit tu’uk  oj ja’ay oj yaxmujkta’ay ni tu’ukëyëj ja ja’ayëty jëtipëj jam ni tu’un ijtëpëj, ta ënit oj jëna’ay ko ma   tyatëj  it naxwi’inmëtëj ma yam nixijtëntëj  tsajp kaa  jaxëp iakojnëj tan tu’uk nax kajpnën ats më’ëtëj  ja nyii kutu’uk, ats ja jokyaba’akëjmëtëj kajpn  yë ntëtyajtËntëty, nta’akajtëntëty, ja ko jam tu’un ëtsëntëj ntso’onëtëj ja ko jam ëtsëntëj nkukajpnantëndëj. Ta ja winkëtyëjpëj ja’ay oj  tëkujpëjktëj ta oj yëna’antëj ko oy tu’un iakojnëj tan tu’uk nax kajpnën, Ko’otsëj tu’un  ta ënit ja ja’ayëtyëj oj jëna’antëj ko wënëk ja kajpn xëë jak pëjta’akyëj; ta ënit ja ja’ay oj yëna’antëj koxëpëk xëa’atyëj pox aam kajpn, ta ënit ja ja’ayëty  oy ja tyatëj xëë oj tmëto’owtëj, jëtu’untsë  ënit ma ja kam, tu’u, it nawinmëj ma  ja   ityëj ja jokyaba’akëjmëtëj ja’ay ja tsajp kaa  tixi’ityË jëtu’unyëj oj yiakojnëj tu’uk mu’utsëk käjpm. Tyatë käjpm ja tu’un oj xëëtëjkënyëj pox aam.

Pëtyëj oj xëëtëkëj pox aam ja ko ma tyatëj it nawinmëj tam ja tu’un ityëj  may it ja ujtsëj pox. Ko ja tyatëj kajpn okëwa’anyëj oj yajkëjtso’onëj na ënit oj ja tu’uk ojt yu’uytyëj  ja tu’uk ja santë pratron San Isidro Labrador.

Tyatëj kajpn ko ayu’uk ja xëë pox aam. Ats amëxan ja xëëatyë San Isidro Huayapan. Petyëj xëëatyëj san isidor ja ko tu’un  ja santëj xëëtyëj  jëtipëj miëwi’in yë oj yu’utyëj ats jëtipéj tsamba’atëj xantëajtëp.

Ko ja poox aamëtëj ja’ay  oj maiyënëj, ta ënit ja poox amëtëj kajpn oj piatëjkëtyëj jam jokyaba’akëjm ta ja jokyaba’akm ja’ay oj yak nëmëtëj ko ma jëk ja  it nawinmëj ma   ja jokyaba’akëjmëtëj ja’ay tix’ityËn  ja tsajp kaa  të ja iakojnëj  tu’uk kajpn, ast ja xëë pox aam ats ja’axëpëk ja pox aamëtëj kajpn ja tëtyatyëj, ja  takatyëj ja jokyaba’akëjmëtëj kajpn ats ja’axëpëk  nax  mëj  yak mo’otëj  atsëk ja tsëwa’an yak pëta’akyëj  ma ja pox aam kajpn  metyëj ja jokyaba’akëjmëtëj kajpn. Ja jokyaba’akëjm kajpn pëtyëj ja tijëty ja  pox amtëj kajpn iyamto’oyëj, ja ko ja pox aam ja’ay  jam  tso’ontëj jam jokyaba’akm ats ja pox aamëtëj kajpn jam  tu’un tya’any  ma ja a jokyaba’akëjmëtëj nax.

Ja jokyaba’akëjmëtëj kajpn kyaj ja ojts tëkujpë’ëkyëj ja pox amëtëj winma’any ja  a’aw  ayuuk, kiaj ja tyë’ëtyatantëj, tya’akatantëj ats kyaj ja nax yaka’any.

Ko ja jokyaba’akëjmëtëj kajpn kyaj ojts kujpë’ëkyëj, ta ënit ja pox amëtej kajpn këm winma’ayëjn ojts ja tsëwa’an oj tëpëjta’akyëj.

Ko ja pooxamëtëj kajp oj yiakojnëj  mëj kajpn tam ja ënaty ja kiutu’unk ast tam ënaty tmëta’ajnëj tu’uk ja santëj patrón san isidro labrador.

Ko ja  jokyaba’akëjmëtëj ja’ay ats ja jokyaba’akëjmëtëj  kutu’unkëj oj ijxnëj ko ja  jokyaba’akëjmëtëj nax ma ja miëkukajpnëty ja tsajp kaa  tixi’itën  të ja kyajpn akojnëj, ats ko të ja tsëwa’anëj këm jinma’ay  tëpëjktaknëj, ta ënit ja jokyaba’akëjmëtëj ja’ay ats ja jokyaba’akëjmëtëj  kutu’unkëj on iambëjktëj;

Ko ja jokëba’akëjmëtëj ja’ay ats ja jokyaba’akëjmëtëj  kutu’unkëj oj iambë’ëjknëj yë ja poox aamëtëj kajpn yak tuk ambëjkëpëj, ta ënit ja jokyaba’akëjmëtëj kajpn oj këna’axëj ma ja pox amëtëj kajpn; ta ënit  oj jënantëj ko wënxëpëk ja pox amëtëj kajpn iatëkoy, kiu’utëkoy ats wënxëpek ja nax tak jëmbi’itëj jëtipëj ënaty tët niwa’antëj, ats jaxëpëk ja yëjëty ja santëj patrón san isidro labrador yaktëj ats jë ja jokyëba’akëjmëtëj kajpn yak mo’oty. Ats ko jëk ja pox amëtëj kajpn   kakupëkëty ja jokyëba’akëjmëtëj yot yinma’any , ja ia’aw ayu’uk tajëk ënit mëj ja tu’uk ja jotmay  ita’any.

Ko’otsëj tu’un ta énit ja pox amëtëj kajpn oj yiatso’oy; ko kiajëk ja kyajp tak atëkoya’any, kiajyëk ja nax  ixmatsa’any ma ënaty tët niwa’any, ats kyajëk ja yë ja santëj patrón yaka’ayn ja ko jëyëk oj yu’utyëj ats jëyëk xantëatantëp. Ja pox amëtëj kajpn kiaj ja tsë’ëkëj.

Ko’otsëj tu’un ja pox amëtëj kajpn oj kyatso’oy, ta ënit ja  jokyëba’akëjmëtëj ja’ay ats ja jokyaba’akëjmëtëj  kutu’unkëj oj ni kajpxtëj ni mëtya’akëtëj so ënaty ja pox amëtëj të yiatso’oy ats so ja tu’un ja yak tu’unëty ats ja pox amëtëj kajpn iatëkoyëty, kiu’utëkoyëty. Ko’otsëj tu’un ta ënit jokyëba’akëjmëtëj kajpn oj yëna’ay  ko tëjëk ja tu’uk ja mëj tsi’ip tyëkëj mët ja pox amëtëj kajpn, ats wë’ënëk ja tu’un ja pox aam iatëkoyëty, kiu’utëkoyëty, yak tujtëj, yak ti’pëxtëj, jëtu’utsëkëj ënit iatëkoyëty, kiu’utëkoyëty, ats pënëk kyaj yak tuja’antëj, yak ti’pxa’antëj we’enëk këm ja pox amëtej ja’ay tuk yo’otyu’utyëj ja kyajpn. Ats wë’ënëk yimbitëj ma ja jokyëba’akëjmëtë kajpn ma ënityëj i’itën.

Ja pox amëtëj ja’ay kiaj ja tsë’ëkëj. Kyaj ja  ja kyajpn ixmatsa’any.

Ko’otsë tu’un  ta ënit ja jokyëba’akëjmëtë kajpn oj yëna’atëj wë’ënek ja pox aamëtëj kajpn yak tujtëj, yak ti’pëxtëj, jëtu’utsëkëj ënit iatëkoyëty, kiu’utëkoyëty ja ko kiajëk  mito’owtëj,  ast ja ko  kiajëk tsë’ëkëtëj, tu’un ënit tyatëj oj yinkëta’akyëj.

Ja jokyëba’akëjmëtë kajpn ojts ja pëta’aktëj  tu’un ja xëë ja poo jëna’a ënaty ja pox amëtej kajpn yak tuja’ayn, yak ti’pxa’any. Ko ënaty Kyajnëm ja  tya’atëj mëj tsi’ip tso’ontakyëj  ja ënaty ni  tëkë’pxën ja’ayëty  tuk i’itëj ja  pox amëtëj kajpn.

Ko’otsëj oy ja xëë, ja poo oj tpa’atnëj  ta ënit ja jokyëba’akëjmëtë kajpn oy kyëna’axëj ma ja pox aamëtëj kajpn ënit oj nyi tyujitëj, nyi tyi’pxëtëj. Tyatëj mej jot ma’ayëj ja tu’un oj tyonta’akyëj 4 de junio de 1959 ats oj kyu’ukëjxëj en 1991.

Ja jokyëba’akëjmëtë kajpn oj ja piu’utëjkëpëj oj tixtay, jë ja juquila mixe, san juan bosco chuxnaban, Quetzaltepec ats Tepantlali oj piu’utëjkëyëj ats ja pox aamëtëj kajpn iatëkoyëty, kiu’utëkoyëty .

Ja pox aamëtëj kajp jë ja oj piu’utëjkëyej ja Ocotepec mixe ats Tamazulapam mixe.

 Ja pox amëtej kajpn yë oj tyatëj tsi’ip, jotma’ay oj tmëta’akyëj, Pëtyëj tamba’atëj ko tuka’ayëj  ja 4 de junio, xëmë’et xëmë’et  ja pox aamëtëj kajpn nyi xëëtu’unyëj ja ko jë oj mita’aktëj.